Тече рокот за формирање Влада, а тоа е и една од темите на емисијата „Само вистина“ каде гости се новинарот Бранко Героски и Зоран Димитровски, генерален секретар на Демократски сојуз.

Идејата за премиер Албанец на ДУИ успеа на партијата да и донесе гласови на изборите, а сега е едно од барањата за коалиција со СДСМ. Во врска со оваа тема, Героски смета дека треба да се соочиме со реалноста.

-Не би сакал да бидам тој што ќе го брани ДУИ, но да се сочиме со реалните факти. Во демократиите е правило победничката партија да го добие мандатот, но кај нас е е прв пат да е прекршено правилото.Заев стана премиер без да победи на изборите. Албанец премиер би било уникатна ситуација. Не е невообичаное да се има премиер од партија која не е победник на изборите, но тоа се решава со политички договор. Втора работа е што е тешко да кажеме дека ДУИ е партија која ја дестабилизирала Македонија, историјата го покажала обратното. Од трета страна, велиме ДУИ е виновен за недостиг на реформи, за криминал и корупција. Тие се сега во релативно комотна позиција да наметнуваат свое барање, а ако тоа е национаистички наратив, зошто тогаш победи на изборите? Ова е за Албанците битна тема. Прашањето е зошто да не биде Албанец премиер? Они излегоа со конкретен лик, кој не е партиски кадар, рече Героски.

На ова Димитровски одговори дека е потребно партиите мултуетнички да созреат.

-Тоа е работа на политички договор. Целата тема е градена за изборни цели. Изјавата на Таравари е иронична. Процесите созреваат, а не се одвиваат преку ноќ. Една интегративна партија како ДУИ и за другите партии, идејата е дека доаѓа време кога партиите треба да станат мултиетнички. Тоа беше идејата на СДСМ. Не знам колку е успешна, но зошто утре Македонци да не гласаат за ДУИ, доколку препознаат дека таа има интегративен карактер, рече Димитровски.