Во емисијата “Заспиј ако можеш” на Алфа телевизија, вчера вечер новинарот и уредник на Плусинфо, Бранко Героски, посочи дека датумот за преговори не може многу да влијае врз одлуката на граѓаните во врска со тоа на кого ќе го дадат својот глас на престојните избори. Според Героски граѓаните веќе се определени и знаат што точно ќе заокружат на гласачкото ливче.

-Датумот може до некаде да влијае врз расположението на гласачите во Република Македонија, иако јас не мислам дека тоа е некое преголемо влијание. Моја лична проценка е дека најголем број на луѓето веќе имаат одлучено што ќе прават на денот на изборите, дали ќе гласаат дали нема, за кого ќе гласаат ако гласаат и така натаму. Но, можна е политичката злоупотреба и обид да евентуално позитивните сигнали – како што беше со овој позитивен извештај, да бидат употребени како еден вид на дел од пропагандата.

Героски додаде дека нему не му се допаднала реториката на СДСМ, дека тоа е потврда на правиот пат а потоа се спомнува Заев и неговите дела. 

Не ми се допадна реториката на СДСМ после таа одлука на ЕУ и тоа го кажав јавно, дека тоа е потврда на правиот пат нели, па се спомнува Заев и неговите дела и така натаму. Што ми дава за право да кажам да, ќе се злоупотребува извештајот за ЕУ и ќе има поличко профитирање од тој добар сигнал што го очекуваме, потенцираше Героски.