Железничка несреќа се случила синоќа на пругата Штип-Кочани, при што повредени патници нема, но има материјална штетата. Според портпаролот на СВР-Штип Гордана Панајотова, несреќата се случила меѓу патнички воз и автомобил марка „фолксваген голф“.

-Несреќата се случила во 19:55 меѓу стојалиштето кај Облешево и железничката станица Кочани помеѓу патничкиот воз што сообраќал на релација Скопје-Кочани и патничко возило „фолксваген голф“ со кочански регистарски ознаки, управувано од 21 годишниот А.И од село Спанчево, вели Панајотова.

Во незгодата причинета е материјална штета. Увид на местото на настанот извршила увидна екипа од Полициската станица Кочани.

Оваа година ова е прва незгода на оваа пругата Штип-Кочани.

Пред неколку дена имаше голема трагедија на реалација Гевгелија- Скопје – воз усмети 23 годишен маж од Пакистан.

Пакистанец на возраст од 23 години загина на пругата во близина на селото Ногаевци откако во него удрил воз што сообраќал на релација Гевгелија – Скопје.

Како што информираат од МВР, незгодата се случила во вечерните часови на 19. септември, а 23-годишникот починал на самото место.

Со него бил уште еден Пакистанец на возраст од 30 години, кој бил предаден на полицијата и префрлен во Прифатниот центар за странци – Гази Баба, во Скопје.