Патнички автобус излета од патот и падна во река во планинска област во централен Непал, при што загинаа најмалку 15 лица, а 35 се повредени.

Тешката несреќа се случила денеска кај селото Сукута, 45 километри од Катманду, кога автобусот кој патувал од Долах до Катманду паднал во река на длабочина од околу 50 метри и се превртел, соопшти полицијата.

Спасувачите користат чамци, а полицијата соопшти дека некои тела на настраданите се најдени два километра низводно од местото на несреќата.

Неодамна во Пакистан најмалку 22 лица загинаа, а 15 лица беа повредени во автобуска несреќа, соопшти локалната полиција.
До несреќата дошло кога автобус удрил во брдо откако му откажале сопирачките.

Спасувачката операција беше отежната поради тешко достапниот терен во планинска област и недостиг на соодветна опрема.

Непал е република на Хималаите. Се наоѓа во Јужна Азија. Се граничи со Кина на север и со Индија на југ, исток и запад. Главен град е Катманду. Сè до 200] г. земјата била кралство.
По повеќевековно владеење на апсолутни монарси, во 1990 година е воведена уставна монархија.

Сепак монархот и по воведувањето на уставната монархија задржал голем дел од власта, поради што помеѓу населението се јави големо незадоволство, кое во 1996 резултира со отпочнување на граѓанска војна во Непал. Од едната страна во војната се маоистичките бунтовници, а од другата приврзаниците на кралот. На 28 мај, 2008 Непал е прогласен за република, под новото уставно име Демократска Република Непал.