Денеска почина 63-годишна жена која беше меѓу повредените во експлозијата на плинска боца што се случи минатиот викенд во кумановското село Романовце, потврди за МИА директорот на Клиниката за ТОАРИЛУЦ, д-р Илир Хасани.

Пред два дена во 13.20 часот, на раните им подлегна 36 годишната пациентка, која беше во критична состојба. Веста ја потврди и директорот на Ургентен Центар, Илир Хасани.

Досега, од експлозијата на плинска боца во Романовце, животот го загубија три деца на возраст, од осум, девет и единаесет години и 58-годишен маж.

Градоначалникот Максим Димитриевски ги повика институциите во најбрз можен рок да излезат со конкретни детали кои се причините кои довеле до ваквата трагедија. Ова е шеста жртва од експлозијата. 

Куманово е обвиено во тага по загубата на четворица свои жители, кои несреќно го загубија животот во недела при експлозија на плинска боца во селото Романовце.

 Беше прогласен ден на жалост а знамињата беа на половина копје. Откажани беа сите спортски, културни и забавни случувања, откако Советот на Општина Куманово денот 25.02 го прогласи за Ден на жалост.