Петнаесетгодишно момче се удави во Дрина кај Братунац, потврдил портпаролот на полициската управа Зворник, Милјан Бобар.
Несреќното момче се удавило на Рајската плажа, а по дојавата околу 16.45 часот полицијата и медицинските лица отишле на местото на несреќата, изјавил портпаролот на полициската управа Зворник, Милјан Бобар.
Лекарите се обиделе со реанимација, но за жал не успеале да го спасат.
Дрина е река од Црноморскиот слив, а настанува со спојување на реката Тара и Пива кај Шчепанското Поле (надморска височина 470 м).
Долга е 346 км, а сливното подрачје ги опфаќа југозапдниот и западниот дел на Србија, северниот дел на Црна Гора и источниот дел на Босна и Херцеговина.
Правецот на нејзиниот тек е од југ кон север и има доста притоки. Поголеми притоки од лева страна се: Сутјеска, Бистрица, Прача, Дрињача и Јања, а од десната страна: Чехотина, Лим, Рзав, Љубовиќа и Јадар.
»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.
You must be logged in to post a comment.