Вистински хаос се случувал по невремето во Италија. Како што информираат тамошните медиуми, силно невреме ја погоди северна Италија, при што има две жртви, а две постари лица се исчезнати.

Невремето го попречило сообраќајот, предизвикани се големи материјални штети, а многу училишта се затворени.

Загинал таксист чие возило го однела водата откако реката се излеала од коритото во провинцијата Алесандрија. Во возилото имало уште едно лице, но тоа преживеало.

Починал и 81-годишен пензионер, кога неговото возило се лизнало од автопатот кај Торино. Неговата сопруга е повредена.

Италија во последните 48 часа била најврнежливото место во Европа.