Египетското Министерство за туризам и антиквитети го потврди откривањето на 13 дрвени недопрени ковчези во некрополата на пустината Сакари.

Гробницата е откриена околу 11 метри под земја, а за ковчезите се верува дека се стари најмалку 2.500 години. Тие беа запечатени од кога биле погребани, а веројатно има и повеќе.

Саркофазите се во многу добра состојба, а некои ја имаат и оригиналната боја на дрвото.

Според министерот за туризам Калед ал-Анани, очекува во следните месеци веројатно да има многу повеќе откритија во оваа гробница. Со оглед на беспрекорната состојба на гробницата, археолозите очекуваат да најдат богатство скриено во него.

Секој предмет пронајден покрај мртвите ќе фрли светлина врз нивниот статус, богатство и влијание, иако засега, идентитетот на починатиот останува мистерија.

Во меѓувреме, министерството ги најавува настаните преку бројни записи, веројатно во обид да се врати животот на нарушената туристичка индустрија во земјата, која е дополнително ослабена од пандемијата на коронавирусите.

Египетската влада го отвори пристапот до музеите и културните места на 1 септември!