Вечерва околу 21:30 минути во предградието на Базел, Швајцарија поради големите температури се запали фабриката “Галванпласт”, која се занимава со платифицирање и производство на пластични производи.

На лице место се наоѓаат 15 пожарникарски возила, потврди командантот на Противпожарната единица, а околу ротираат уште неколку возила кои се спремни да помогнат.

За сега нема повредени лица, но на мештаните им е наредена евакуација во соседните Места Мутенџ и Френкендорф.

Од страна на стручни лица, проверен е воздухот и до овој момент, не се пронајдени отровни супстанци, но сепак се оди на внимателност, бидејќи сеуште не се знае што точно гори, поради што се гаси само со вода.

Додека го пишуваме текстов, во 23:20 часот фабриката сеуште е во пламен, по се изгледа ветрот кој почна да дува кон исток, им ја отежна работат на младите пожарникари.

На опожареното место, владее голема професионалност, затворени се сите околни улици, а тука се и екипите за брза помош кои се спремни да помогнат. Војската е исто така спремна да помогне, но засега цивилната заштита се има под контрола.

Кај населението во Базел, владее голема паника, а надвор температурата сеуште е околу 32 степени, што целата акција додатно ја отежнува.

Прекинати се сите активности и затворени се бензиските пумпи. Швајцарските медиуми само што известија дека има огнена стихија и дека нема повредени, но моментално не се знае што гори.

Нашиот репортер од Швајцарија кој е на лице место потврдува дека глетката е страшна , насекаде има густ чад, а запрени се и возовите кои минуваат во близина.