Многу сум среќен што на Институтот за трансфузиона медицина го исполнувам ветувањето кое си го дадов уште додека се лекував, дека штом оздравам и ми дозволат лекарите, ќе дарувам крв за да дадам шанса, за успешно лекување на заболените од коронавирусот. Како што и јас ја добив таа можност, за што сум бескрајно благодарен!Од големо значење е сите кои сме се излекувале од оваа инфекција да даруваме крвна плазма. Дарувањето значи можност за многу наши сограѓани полесно да се изборат со Ковид-19. Крвната плазма на лицата кои се излекувани содржи антитела кои организмот ги создал за време на борбата против болеста, а го намалува неговото дејство, односно ја намалува и прогресијата на коронавирусот, вели тој.

Георгиевски апелираше до оние кои успеале да го победат вирусот Ковид-19 да донираат крвна плазма и да спасат нечиј живот.

Ве охрабрувам сите кои што успеавте да се изборите со болеста, донирајте крвна плазма, затоа што нема поубаво чувство од тоа дека придонесуваме да се спаси човечки живот!