Поли Колефски, градоначалникот на општина Пустец најави дека општината  ќе продолжи со помош за Албанија. Тој најави дека ќе се продолжи со солидарноста и поддршката на настраданите во катастрофалниот земјотрес во Албанија.

-Православната црква на општина Пустец донираше 100.000 лека за настраданите семејства, а финасиски средства собрани се и од прилози на жителите кои ќе бидат уплатени на посебните сметки отворени за таа цел, велат од општина Пустец.

Според соопштението од општина Пустец, градоначалникот на Пустец, Поли Колефски решил да направи голем чекор и својата плата за месец ноември ја донирал за настраданите во катастрофалниот земјотрес кој ја погоди Албанија во вторникот.

Во соопштението стои дека општина  Пустец ги повикува сите жители да дадат свој придонес за да им помогнат на семејствата погодени од земјотресот.

Деновиве Македонците од Пустец и Голо Брдо масовно се вклучија во собирање помош за настраданите од земјотресот, главно прехрамбени артикли, вода, средства за одржување на хигена, ќебиња, облека.

Акцијата се води организирано и координирано од страна на градночалникот на општина Пустец, Колефски и претседателот на и Македонската алијанса за европски интеграции (МАЕИ) и пратеник во албанскиот парламент Васил Стерјовски.