Стево Пендаровски загуби. Пендаровски зад кого застанаа СДСМ и ДУИ загуби во Скопје, Битола, Прилеп, Охрид, Велес, Штип, Кавадарци, Гевгелија и во уште четириесетина општини,стои во соопштението на ВМРО.

Од таму додаваат дека во првиот круг од гласањето граѓаните се одлучија за право и правдина.

Граѓаните избраа право и правдина. Граѓаните ја избраа Гордана Сиљановска Давкова. Граѓаните не ги поддржуваат криминалот, корупцијата и непотизмот. Граѓаните знаат дека ако биде избран Пендаровски тоа ќе значи уште повеќе криминал, корупција и непотизам. Никој повеќе не ги поддржува Заев и неговите негативни политики.

Во соопштението на ВМРО, се наведува дека СДСМ нема капацитет да се отргне од матрицата на криминогеност и додаваат дека гласот за Пендаровски всушност е глас за криминалите на Зоран Заев.

Пендаровски и Заев се 102.5% исти. Неработата е синоним за СДСМ.Две години власта не направи ништо за граѓаните. Потрошени се 7 милијарди евра буџет, а од тоа граѓаните не гледаат никаква придобивка. Нема инвестиции, нема проекти.Истата таа власт која потроши цели 7 милијарди без некој да знае на што сега излегуваат и се сликаат како чистат и одржуваат комунална хигиена, нешто што им е законска должност, а не проект со кој треба да се фалат.

Од ВМРО велат дека граѓаните во Македонија не се нискоинтелегентни за да наседнат на форите на Заев и Пендаровски.

Граѓаните видоа дека Заев и Пендаровски лажат. Граѓаните ќе гласаат за право и правдина. Граѓаните ќе гласаат за Гордана Сиљановска Давкова,стои во соопштението на ВМРО.