Грипот во Македонија присутен повеќе од било кога. Изминатата недела заклучно од 6 ти јануари па до 12 јануари значително е зголемен бројот на лица заболени од грип, односно за три па пати овеќе од претходната недела.
Гордана Кузмановска, епидемиологот од Институтот за јавно здравје истакна дека бројот на заболени значително се зголемил но вели дека нема место за паника бидејќи бројката не го поминува прагот на сезонската активност кога може да се каже дека веќе има вистинската сезона на грип.
– Наспроти податоците што ги добиваме од вирусолошкиот надзор кои велат дека минатата недела се тестирани најголем број материјали – 18 од кои пет се позитивни, има три материјали позитивни на грип од типот H1 и два А тип, но не субтипизирани заедно со тоа што пред недели го детектиравме како H3 А тип, веќе имаме палета на разноликост, каде превалира 70 отсто појава на А тип, а 30 отсто појава на Б типот, потенцира д-р Кузмановска.
Кузмановска додава дека најголем број случаи дури 166, се пријавени од подрачјето на Центарот за јавно здравје Струмица а највисока инциденца е регистрирана на територијата што ја покрива Подрачната единица Дебар (209 на 100.000 жители) со 58 пријавени случаи.
Во сезоната 2019/2020, вкупниот број заболени од грип изнесува 1.618.
»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.
You must be logged in to post a comment.