Откако Коха објави дека е веќе направен договор за коалиција и дека таа ќе се официјализира по 4 август меѓу Заев, Ахмети и Билал Касами, реагираше генералниот секретар на ДУИ, Артан Груби.

Тој на Фејсбук објави дека кога ќе има нешто конкретно, ќе ја известат јавноста.

-ДУИ е транспарентна партија и сите процеси ги развива со вклучување и известување на граѓаните.

Во моментов, ниту една од многуте вести во медиумите не е потврдена од наша страна, како и да е, кога ќе имаме нешто конкретно, ќе ве известиме благовремено.

Воспоставените пост-изборни контакти со СДСМ и другите партии се колегијални, пријателски, иницијални, секако за доброто на земјата и нејзините граѓани, потенцираше Груби!

Разговори за детали, како што се претставени, ниту имало ниту се договорени со ниту една од страните, напиша Груби.