ВИС АМАНЕТ е основан во февруари 2018 година а се со цел на зачувавање на традиионалните песни и ора во нивниот автентичен призвук со користење на традиционалните инструменти. 

Ивана Чаловкса за Магазин вели, идејата за ваков состав дојде од повеќегодишната заедничка дружба на дел од членовите, кои претходно музицирале заедно во некои други формации. Располагаме со богат репертоар, како вокален така и инструментален. Во репертоарот се застапени песни и ора од сите региони на Македонија. Наш репер е оркестар на Пеце Атанасовски кој ги поставил темелите на традиционалниот оркестар и неговиот призвук. За вокалниот дел, изборот на репертоарот зависи од два фактори: првиот е вокалните способности на нашето вокално трио, вториот е публиката а тоа значи песни кои се општо прифатени и познати и песни кои се заборавени, па преку нашите изведби ги доближуваме до слушателите. 

Во изминатите две години  ВИС Аманет оствари соработка со голем број на фолклорни ансамбли како и  со огромен број на вокални интерпретатори. Минатата година на 1 ви март, ВИС Аманет го одржа својот прв самостоен концерт, насловен ” Една година Аманет”,  народен мјузикл (т.е. битова драма) во соработка со актерот Владо Дојчиновски кој е наш соработник и најголем поддржувач. Задовме учество на повеќе фестивали, манифестации , натпревари.

Се нижеа и награди меѓу кои најзначајни за нас се:
– прва награда во категоријата младинци на фестивалот Пеце Атанасовски
– награда “Чувари на традицијата” на фестивалот Пображење – Вевчани
– Гранд При награда на натпреварот “Инструментите на моите предци ” во организација на ДКЦ Карпош – Скопје.

Во периодот што следи најавуваме  неколку проекти, и тоа:
– самостоен проект на ВИС Аманет со аудио и видео записи на 20 традиционални ора и песни
– Годишен концерт по повод две години Аманет насловен ” Аманет од предците ”
– Велигденско шоу на ВИС Аманет во соработка со Џељо Дестановски кое ќе се емитува на повеќе телевизиски програми.
Од името на ВИС Аманет упатуваме огромна благодарност за интересот. Медиумската поддршка ни е од големо значење, начин преку кој народот има можност да не запознае, да слушне за нашата мисија и секако да ужива во прекрасните звуци.