И покрај заострената реторика на релација Скопје-Софија, на денешниот состанок во Луксембург помалку неочекувано Грција била земјата од соседството која жестоко се спротивставила на идејата Македонија да се одвои од Албанија. 

И покрај заострената реторика на релација Скопје-Софија, на денешниот состанок во Луксембург помалку неочекувано Грција била земјата од соседството која жестоко се спротивставила на идејата Македонија да се одвои од Албанија и самата да добие датум за преговори известува телевизија Канал 5

Ваквата позиција на Атина беше најавувана, но во услови кога е повеќе од јасно дека шансите за да се обезбеди консензус за датум за Албанија се минимални, зачудува инситирањето по секоја цена да се опстои на истата. Со ова на некаков начин се потврдија стравувањата дека ставот на новата грчка влада е само суптилен начин да се стави ново вето за интеграциите на Македонија.

Дали и како ќе реагираа македонските власти засега не е познато, но според дел од познавачите, ставот на Атина може да се толкува и како дирекно прекршување на Преспанскиот договор, со кој Грција се обврза да ја поддржува евро-атланската интеграција на земјава.

Во договорот, нема никаква одредба која интеграциите на земјава се поврзуваат или се условени со напредокот на Албанија.

Инаку, дипломатските извори на Канал 5 од министерскиот состанок, велат дека освен Грција жестоко против одвојување на Македонија и Албанија се уште и Италија и Германија.

Италија поради историската блискост со Албанија, а Германија поради загриженоста дека во случај да се одвојат двете земји, Тирана ќе остане вечно во „чекалницата“ и на таков начин повторно е можна дестабилизација на регионот.

Сепак, нашите извори уверуваат дека опцијата за раздвојување на двете земји не е „мртва“ и останува како реална можност на Самитот на лидерите.