Родителите влијаат на нашиот карактер, на начинот на кој се однесуваме,на кој живееме, а за оние кои изгубиле родител на млада возраст, смртта на нивниот родител остава печат и тага на целиот живот.

Истражувањата покажуваат дека губењето родител носи поголем ризик за емоционални и ментални проблеми, како депресија, анксиозност и многу негативни и болни чувства.Тоа е особено ако личноста нема силна поддршка од блиските во периодот на губење на својот родител.

Еден плус фактор е и блискоста со родителот, односно како животот на една личност се менува по смртта на еден или двајцата родители.
Секоја личност се соочува со нејзината болка и тага на поинаков начин. Некои луѓе ја искажуваат лесно својата болка, а некои го чуваат тоа длабоко во себе.

Ние често ќе помислиме дека една личност добро се носи со болката и тагата, сепак може да станува збор за потиснување на многу чувства, кои потоа се рефлектираат подоцна во животот. Процесот на лечење значи соочување со болката со нас, посветување на односите со другите членови на семејството и бавно прифаќање на вистината. 

Повеќето од луѓето по смртта на нивните родители или друга личност од семејството забораваат на самите себе и својот живот.

Некои луѓе не спијат доволно, земаат антидепресиви и не се хранат добро во секојдневниот живот. Најважно е да се биде трпелив и да се посветиме на себеси и оние кои ги сакаме бидејќи депресијата не доаѓа сама од себе,понекогаш или во голем случај таа е створена од луѓето.