Лубеницата е омилено овошје налето. Нејзината црвена боја и освежителениот вкус ја прават да биде симбол на летното овошје. Но она што можеби не сме свесни е дека ова овошје одлично дејствува на нашето здравје. Изобилува со нутритивни материи, содржи малку масти и го хидрира нашето тело.

Витамин А
Овој витамин е важен за заштита на здравјето на очите, а неговото антиоксидативно својство помага во намалување на слободните радикали во телото.

Витамин Ц
Сите знаеме дека е потребен за зајакнување на имунитетот, но витаминот Ц го забрзува зараснување на раните, го спречува оштетувањето на клетките, го подобрува здравјето на забите и на непцата.

Витамин Б6
Витаминот Б6 е потребен за синтеза на серотонинот и норепинефринот (норадреналинот), кои се заслужни за вашето добро расположение.

Ликопен
додека голем број луѓе мислат дека доматот е најдобар извор на ликопен, лубеницата го содржи во најголема концентрација, во однос на кое било овошје и зеленчук. Ликопенот го намалува ризикот од настанување на кардиоваскуларни заболувања и макуларна дегенерација.

Калиум
Доколку не ги сакате бананите, калиум можете да побарате во лубеницата. Помага во закрепнување на мускулите, подобро функционирање на мозокот и ги враќа електролитите во рамнотежа. Исто така помага во намалувањето на нивото на крвниот притисок.

Аминокиселини
Лубеницата содржи аминокиселини, аргинин и цитрулин. Тие се потребни за одржување на здравјето и целокупниот кардиоваскуларен систем и ја подобруваат циркулацијата.

Вода
Лубеницата ја сочинува 92% вода, што значи дека е одличен извор за хидратација и освежување во текот на жешките летни денови.

Зошто да јадете лубеница?

Еве уште неколку причини зошто да јадете повеќе лубеница ова лето…
l Лубеницата е извор на важен антиоксидант: ликопенот, кој се наоѓа и во доматите, кајсиите и грејпфрутот, го одржува здравјето на нашето срце и има голем удел во борбата против ракот, односно ја спречува појавата на ракот на дојката или простатата.

– Лубеницата дејствува исто како вијагра: цитрулинот што го содржи лубеницата ги опушта крвните жили на ист начин како и вијаграта, а дури и ако не успее тоа, одлична е за артериите.

– Лубеницата содржи многу витамини што се добри за нашиот имунитет, здравјето на очите и нашиот мозок.

– Лубеницата е одличен извор на калиум, кој помага кај функцијата на мускулите и нервите, а заедно со тоа го намалува ризикот од висок крвен притисок.

– Дехидрација: лубеницата содржи дури 92 проценти вода, што е одличен извор на течност во летните, топли денови.

Како да одберете слатка лубеница?

Звукот кој го произведува зрелата лубеница е длабок, додека пак презреаните лубеници имаат звук како кога удирате во шуплив предмет.

Свежината на лубеницата можете да ја откриете според стеблото. Ако лубеницата е зрела и сочна, од местото каде што има рачка ќе потече мала количина на леплив сок.

Зрелата лубеница има темно зелена боја и е доволно тешка за својата големина, додека незрелата лубеница е многу полесна отколку што изгледа.

При купување погледнете ја и страната на која лубеницата лежела на земја.

Лубеницата на тоа место би требало да биде со кремасто жолта боја, помеѓу бојата на банана и лимон. Доколку тој дел е со бела боја или светло зелена, тоа е знак дека не е доволно зрела.

10 Факти за лубеница

1. Потекнува од Африка и тоа поточно од Египет. Пронајдени се семки од лубеница и хиероглифи во гробници што датираат од 2 век п.н.е. Оттука нејзиното одгледување најпрво се проширило низ Европа, а потоа со пренесувањето на робовите и во Америка.
2. Лубеницата е всушност бобинка (една од најголемите), како и боровинката. Така е дефинирана заради нејзината цврста лушпа, која обиколува мека и хранлива срцевина. Исто така ботанички припаѓа во групата на зеленчук.
3. Постојат околу 300 видови лубеница, а околу видови 50 се консумираат.
4. Лубеницата може да се зготви. Во некои познати ресторани во светот на менито ќе најдете лубеница на скара, комбинирана со месо, со сирење и други различни специјалитети. Краткото изложување на температура, вусшност ги нагласува вкусот и мирисот.
5. Најголемата измерена лубеница во светот тежи 159 килограми.
6. Зрелоста на лубеницата може да ја процените од око; „со чврга”несозреаните лубеници даваат метално ѕвонлив звук, додека зрелата лубеница звучи задушено или празно; и по бојата на лежиштето кое треба да биде жолто-кремаво.
7. Лубеницата е 92% составена од вода. Затоа е одлична за хидратација во врелите летни денови, а освен течност внесувате и дополнителни витамини и минерали.
8. Не сите лубеници имаат црвена бојата. Постојат и жолти варијанти кои се помалку популарни, но сепак слатки како и црвените, а исто така постојат и светло зелени лубеници.
9. Зборчето бостан како поим за лубеница и диња кој се употребува во нашиот јазик е турцизам. Придавката „бостански” пак, која е впрочем и во насловот истотака си постои во речникот на македонскиот јазик, а една од често користените поговорки со зборчето „бостан” е познатата „Го обра бостанот” која се однесува на некој што западнал во голема неволја.
10. Лубеницата без семки не е резултат на генетска модификација (ГМО) туку е добиена со вкрстување на две различни сорти, така што на крај се добива плод кој не може да се размножува. Слично како мулето во животинскиот свет.