Вчера двајца сведоци на Специјалното обвинителство направиле пресврет во предметот „Тортура“, каде главен обвинет е Сашо Мијалков. На судското рочиште двајцата сведоци (и двајцата вработени во МВР) излегле со спротивни изјави во однос на исказите дадени во претходната постапка. За разлика од исказите пред СЈО, вчера сведоците дале изјави во корист на одбраната на Мијалков, со што целиот предмет дека постоела “тортура“ против Љубе Бошковски, станува неоснован.
Првиот полициски службеник, под заклетва, пред судијата изјавил дека тогаш осомничениот Бошкоски се оглушил на полициските наредби „стој полиција“ и се обидел да бега. Сведокот посочил дека во моментот кога дошол на местото на настанот, не видел ништо незаконски од тоа што им се става на товар на Мијалков и на другите обвинети.
Обвинителот Љубомир Лапе, лут поради спротивниот исказ на сведокот на СЈО, го запрашал дали ја говори вистината пред судот, или тогаш кога бил повикан во СЈО, по што уследило уште едно непријатно изненадување за СЈО. Сведокот под заклетва потврдил дека денешниот исказ е вистинит во целост, а дека изјавата дадена во предистражната постапка била изнудена под голем притисок од многу лица во СЈО. Како што посочил сведокот, до денес истиот е под константен притисок да даде исказ кој би одел во прилог на обвинението и бил преместуван на три различни работни места во МВР. Сведокот на денешното рочиште не сакал да каже кој сѐ му вршел притисок за да даде неточен исказ пред СЈО.
Сега се поставува прашањето колку СЈО работело професионално и дали исказите и на други сведоци во предметите на Катица Јанева, Љубомир Лапе и Фатиме Фетаи се вистинити, или се изнудени? Дали ваквите пропусти се правени намерно, со цел предметите да можат да се срушат на суд, кога власта ќе процени дека е време за “помирување“. Многу е симптоматично што во моментот кога Заев и Мијалков се зближија за проектот “смена на Уставот“, токму тогаш двајцата клучни сведоци ги менуваат исказите, што значи дека во случајот “Тортура“ обвинетите најверојатно ќе бидат невини и ослободени заради немање на докази. СЈО во случајов изгледа дека е само инструментот за “помирувањето“ на недопирливите политичари.
»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.
You must be logged in to post a comment.