На социјалните мрежи се појави фотографија од писмо испратено од страна на генералниот секретар на СДСМ, Љупчо Николовски до членството на партијата и високите функционери.

Имено како што може да се забележи од фотографијата Љупчо Николовски од членството, и од своите функционери бара дисциплина. Тој посочува да избегнуваат одење во кафеани, на одмор, на патувања, во кафетерии бидејќи јавноста сега будно ги следи.

Николовски вели членството да не се слика и да објавува фотографии на социјалните мрежи.

Во периодот кој следи од 12 јануари до 12 април, сите функционери на СДСМ, на сите нивоа неопхдно е да се посветат на извесната изборна победа и активностите согласно насоките на Општинските изборни штабови и Централниот изборен штаб.

Многу важно, очекувам и барам крајна одговорност и дисциплина во однесувањето кон граѓаните, во приватниот живот и објавите на социјалните мрежи.

Од тоа зависи каква порака испраќаме на граѓаните. Затоа, приватни патувања, одмори, седење во кафеани, кафетерии и ресторани не треба да има.

Многу важно, фотографии од кафеани, одмор, ресторани, кафетерии воопшто да нема.

Одиме на победа на 12 април, организирани, мобилизирани но пред се одговорни пред граѓаните, нивните потреби секако посветени на нашите пораки од кампањата.

Тоа треба да биде видливо и од нашето однесување како и во сите наши комуникации секаде.

Затоа, објавите на социјалните мрежи мора да бидат фокусирани единствено на политиките на СДСМ, на интересот на граѓаните и државата и во функција на државата, стои во писмото од Николовски.