Денеска македонската ракометна репрезентација ќе го одигра првиот натпревар на Европското првенство кое се одржува во Шведска, Австрија и Норвешка.
Противник на нашата земја ќе биде Украина а натпреварот ќе се одигра вечерва со почеток од 20:30 часот во „Виенер Стадхале“ во Виена.
Македонскиот селектор Данило Брестовац вчера на средбата со медиумите во Виена рече дека има голема желба за победа и успешен почеток против Украина.
Јас искрено би сакал Лазаров да игра постојано, да игра 60 минути на натпревар… Но, да бидеме реални, Кире е во поодминати години и сепак природата си го чини своето. А, ние мора да го почитуваме тоа. Затоа неопходно е и јас како селектор да ги почитувам размислувањата на Лазаров. Факт е дека ние сме 60-70% подобри со Кире во тимот, но има 40 години и ние тоа мора да го почитуваме, истакна Брестовац.
Нашиот капитен Стојанче Стоилов ќе биде дел од сениорското ЕП што од деенска до 26 јануари ќе се одржува во Австрија, Норвешка и Шведска. Тој ќе биде дел од репрезентацијата на Македонија која ќе игра во групата во Виена, стои во соопштението од Р.К ВАРДАР.
Таму се уште и репрезентациите на Австрија, Чешка и Украина. Најдобрите две продолжуваат во следната фаза што исто така ќе се игра во Виена, заедно со најдобрите две репрезентации од Грац и Трондхајм.
Вардар ќе биде застапен со повеќе играчи на ЕП, па и тренери. Покрај Стоилов кој ќе настапува за Македонија, на ЕП 2020 ќе играат уште и: Дибиров, Горбок, Атман, Шишкарев и Калараш (Русија), Кугис и Криштопанс (Летонија). Спортскиот директор Едуард Кокшаров е селектор на Русија, а нашиот тренер на голмани Дејан Периќ е исто така дел од националниот тим на Русија.
Во стручниот штаб на Македонија се уште и нашиот тренер на голманите на женскиот им и помладите категори Александар Царчев и физитерапевтот Димитар Маневски.
Сите натпревари на Македонија ќе ги пренесува Телма ТВ.
»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.
You must be logged in to post a comment.