Пратениците вчера довербата му ја дадоа на Зекир Рамчиловиќ за попретседател на Собранието.

Со 62 гласа „за“ и 12 против, пратениците од Собранието ја донесоа одлуката за новата функција на Рамчиловиќ.

Тој дојде на местото на Весел Мемеди, а беше дел од Независната пратеничка група на ВМРО-ДПМНЕ.

Рамчиловиќ на свое име во анкетниот лист кој го доставил до Државната комисија за спречување корупција, пријавил две куќи во Долно Коњари, едната од 168 метри квадратни, стекната со договор за градба, а другата од 123 метри квадратни, стекната со наследство.

На свое име пријавил и земјиште од 1.410 метри квадратни во Долно Кољари, а земјиште во истото место пријавил и на име на родителите.

Според она што стои во анкетниот лист, тој вози Голф 5.

Пријавил и оружје, ловечка пушка и пиштол.

Има и кредит од 480 илјади денари, кој треба да го врати до 2021 година.

Недвижен имот Имот на родители Земјоделско земјиште 300.000,00 денари 30.530 м2 Долно Коњари 1965 1/1 Стекнување со договор за купопродажба
Недвижен имот Личен имот Земјиште 180.000,00 денари 1.410 м2 Долно Коњари 2013 1/1 Стекнување со договор за купопродажба
Недвижен имот Личен имот Куќа 1.830.000,00 денари 168 м2 Долно Коњари 2016 1/1 Стекнување со договор за градба
Недвижен имот Личен имот Куќа 600.000,00 денари 123 м2 Долно Коњари 2012 1/1 Стекнување со наследство
Подвижен имот Личен имот Моторни возила 162.000,00 денари Голф 5 2005/2017 Стекнување со договор за купопродажба
Подвижен имот Личен имот Оружје 15.000,00 Ловна пушка -/2019 Стекнување со договор за купопродажба
Подвижен имот Личен имот Оружје 15.000,00 Пиштол -/2019 Стекнување со договор за купопродажба
Долгови Личен имот Кредит 480.000,00 денари 2015 6 години