Маж се здобил со тешки повреди откако излетал од патот Струмица – Валандово со патничко моторно возило „фолксваген пасат“.
Во 09.00 часот на регионалниот пат Струмица – Валандово, патничко моторно возило „фолксваген пасат“, со велешки регистарски ознаки, управувано од 69-годишниот В.М. од Гевгелија, изгубило контрола и излетало од патот.
Во незгодата со тешки телесни повреди се здобил возачот, по што бил пренесен во Медицинскиот центар Струмица за укажување на лекарска помош.
Извршен бил увид на местото на настанот од увидна екипа од СВР Струмица.
Исто така сообраќајна несреќа се случи на патот Македонски Брод – Прилеп, околу еден километар после село Ропотово.
Едно лице загина, а едно е повредено во сообраќајна несреќа што се случила вчера на регионалниот пат Македонски Брод – Прилеп, околу еден километар после село Ропотово.
МВР информира дека патничко моторно возило „Опел Астра“, со прилепски регистарски ознаки, управувано од 66-годишниот М.Т. од Прилеп, во 16 часот и 40 минути излетало од патот, и за жал на несреќата починал сопатникот В.Т. (71) од Прилеп, додека возачот се здобил со телесни повреди и бил пренесен во Градската општа болница Прилеп за укажување лекарска помош.
Извршен бил увид од јавен обвинител и увидна екипа од Полициската станица Прилеп.
»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.
You must be logged in to post a comment.