Вицепремиерот задолжен за европски прашања, Бујар Османи веќе започна со имплементација на Законот за јазиците, во јавноста познат како Законот за двојазичност. Може да се каже дека ова е прва владина институција која во експресен рок почна со спроведувањето на Законoт за двојазичност, објавува официјален владин документ на македонски и на албански јазик.

Османи на социјалната мрежа Фејсбук се пофали со официјален двојазичен документ од Секретаријатот за европски прашања, кој е под негова лична директива.

Двојазичниот документот со кој Османи јавно се пофали е покана-известување за организирање на Донаторска конференција за потребите од имплементацијата на новиот Закон за употреба на јазиците во рамките на СЕП

Инаку, министерстерот за економија, Крешник Бектеши беше првиот министер од владата на Заев кој на албански јазик започнал прес-конференција за веќе вчера да ја постави и првата двојазична табла на Mинистерството за економија.