Денеска и офоцијално германскиот Бундестаг треба да даде зелено светло за почеток на преговорите со Европската Унија за Северна Македонија и Албанија.

На седницата ќе присустува и вицепремиерот задолжен за европски прашања Бујар Османи по покана од претседателот на германскиот Парламент, Волфганг Шојбле.

Османи вчера во Берлин оствари средба со пратеникот во германскиот Бундестаг, Кристијан Петри од партијата СДП а разговараа за поддршката за одлуката за старт на преговорите. Вицепремиерот Османи по средбата истакна дека добил охрабрувачка порака од Петри.

– Нова, охрабрувачка порака денеска ми пренесе г. Петри, дека и од пратеничката група на неговата партија, СПД, која е и втора по број на пратенички места, вчера со огромно мнозинство донеле одлука со која ќе гласаат за донесување на одлуката за почеток на преговорите на земјата со ЕУ. Утре е седницата на Бундестагот каде што се наоѓа нашата точка и сѐ поочигледно е дека Германија ќе гласа „за“ на европскиот самит во октомври, изјави Османи по средбата со Петри, изразувајќи благодарност за поддршката.

ЦДУ на канцеларката Ангела Меркел и социјалдемократите нагласила дека почетокот на преговорите со двете земји ќе испрати важен сигнал за целиот регион.

За почнување на претпристапните преговори со ЕУ конечната одлука ќе ја донесе Советот на Унијата кон средината на следниот месец.