Денеска е работен ден за сите здравствени установи и ќе се работи исто како и вообичаено.

2 јануари 2019 година ќе биде работен ден за вработените во јавните здравствени установи во Република Македонија, со цел граѓаните да добијат навремена здравствена заштита и помош, информираше Министерството за здравство.

„Граѓаните кои имаат закажано термини за прегледи на овој ден во специјалистичко-консултативни амбуланти, кабинети за снимања и други дијагностички процедури, како и закажаните хируршки интервенции нема да бидат одложени и ќе бидат извршени согласно закажаните термини“, се наведува во соопштението до Министерството за здравство.

Исто така Министерството за труд и социјална политика изјавуваат дека градинките ќе работат по принципот на дежурства, со оглед на тоа дека Владата препорачува, а не обврзува овој заклучок да важи и за приватниот сектор.