Денеска времето во Македонија ќе биде променливо облачно со врнежи од дожд !

Времето во Македонија ќе биде променливо облачно и нестабилно со врнежи од дожд и грмежи, локално во форма на невреме со засилен ветер и појава на град.

Утринската температура ќе се движи од 4 до 11, а дневната од 11 до 21 степен. Во Скопје и околината слично време. Утринската температура ќе биде околу 9, а дневната ќе достигне до 18 степени.

Според информацијата од прогностичките модели, на целата територија на нашата држава е можна појава на интензивни локални врнежи поради што се препорачува внимателно движење покрај водотеците и суводолиците.

Поизразени региони се крајниот запад, југо-запад и северо-запад, каде покрај можни локални излевања на помалите водотеци, можна е појава и на свлечишта и одрони, особено на патниот правец Маврово-Дебар-Струга.