Времето во Македонија денеска ќе биде сончево и многу топло со мала до умерена локална облачност.

Времето во Македонија денеска повторно топло и сончево. Ќе дува слаб до умерен ветер од североисточен правец. УВ индексот ќе биде 9, информираат од Управата за хидрометеоролошки работи.

Утринската температура во нашата земја ќе се движи од 13 до 20 степени, а дневната од 28 до 36 степени.

Во Скопје и околината слично време со утринска температура до 18 степени, а дневна до 36 степени.

Од утре во попладневните часови ќе има локални поројни дождови, проследени со грмежи претежно во југозападниот дел. Температурите ќе бидат во благо опаѓање.

Во наредните денови се очекува топло време, на места со ретки врнежи, а ќе дува слаб до умерен ветер претежно од југозападен правец, соопштуваат од Управата за хидрометеоролошки работи.