Денеска ќе има посебен режим на сообраќај во центарот на Скопје и во општините Ѓорче Петров и Аеродром.Сообраќајот ќе биде спроведен денеска за време на одбележувањето на празникот Богојавление – Водици, соопшти Министерството за внатрешни работи.

Од  завршувањето на манифестацијата во центарот на Скопје после 10 часот,за сообраќај ќе бидат затворени ул. „Филип Втори“ до бул. „Гоце Делчев“ и ул. „Кеј 13 Ноември“ до бул. „Кочо Рацин“.

Во Ѓорче Петров од 10 часот ќе бидат затворени сообраќајницата од црквата „Свети Петар и Павле“ десно по бул. „Партизански одреди“, десно по ул. „Ѓорче Петров“, лево по ул. „Васил Чакаларов“, како и од црквата „Свети Пантелејмон“ по ул. „Демир Трајко“ и лево по ул. „Васил Чакаларов“ до Железничкиот мост на Вардар.

А Од 10 часот во општина Аеродром за сообраќај ќе биде затворен локалниот пат кон селото Лисиче.