На свечена церемонија пред седиштето на НАТО пред малку беше подигнато македонското знаме откако земјата стана и официјално 30-та земја членка на Алијансата.

Знамето на Република Македонија со интонирање на македонската химна пред малку се развиори пред седиштето на НАТО со и со тоа нашата земја стана 30 членка на Алијансата. 

„Во последните три години донесовме големи одлуки со кои станавме подобра држава и подобро општество. Еве ја и наградата. Држава која ќе остане искрен и добар сосед, сојузник на кој секогаш ќе можат да сметаат. Наша должност е да им оддадеме признание на сите кои ни помогнаа. Ова посебно се однесува на претходниот претседател на Владата, Зоран Заев, на нашите пријатели САД. Од денеска ние сме НАТО – истакна Спасовски.

На свечената церемонија исто така се обрати генералниот секретар Јенс Столтенберг кој и посака добредојде во Алијансата на нашата земја.  

„Денеска сме тука собрани за да и посакаме добредојде на Македонија во НАТО со подигнување на знамето. Земјата стана симбол на нашата солидарност. Ова е историски момент за НАТО и Македонија, доаѓа после долга посветеност и заложба за реформите. Македонија и Грција постигнаа компромис со името.

Договорот од Преспа го овозможи пристапот во НАТО, и придонесе за добрососедски односи. Вашата напорна работа го овозможи денешниот член. Важен е пристапот во НАТО на земјата и за доброто за меѓународниот мир. Да ја поздравам и одлуката на ЕУ за почеток на преговорите со Македонија“, рече Столтенберг.