Речиси 20 отсто од избирачките места се променети локациски со цел да се обезбедат поголеми простори на денот на изборите. Притоа, се почитува законот и тоа не е подалеку од три километри за урбани средини и не повеќе од пет километри за рурални, рече Оливер Деркоски, претседател на Државната изборна комисија (ДИК).

Спроведувањето на изборите со новите протоколи, донесени од Комисијата за заразни болести, ќе биде тешко, рече во вчерашната „Топ тема“ претседателот на Држвната изборна комисија Оливер Дерковски.

Некои луѓе не можат да ги сменат навиките, па додаваат масло на огнот. Не е коректно менување на одредени правила во 5 до 12. Веројатно повторно ќе прочитаме во некој од наредните извештаи на ОДИХР дека постојано ги менуваме изборните правила во несоодветен временски рок. Најмалку една година пред изборите не треба да се менуваат изборните правила, стои во извештајот, вели Дерковски.

– Бројот на лица кои се во самоизолација, веројатно, ќе биде многу помал наредниот период, а пријавувањето е овозможено до 8 јули, пет дена пред да гласаат односно седум дена пред 15 јули – основниот ден на гласање. Од она што го слушнавме денес, веројатно ќе нема лица во карантин, дотогаш ќе истече карантинскиот рок од 14 дена.

Проблем се активните заразени случаи кои во моментов се околу три илјади, што значи дека најмалку две илјади гласања ќе имаме кај тие лица – рече Деркоски.

Повтори дека во секој случај ДИК ќе стори сè за овие избори да се спроведат без проблеми.