Рената Дескоска во емисијата „360 степени“ на Телевизија Алсат истакна дека  не е нарушена безбедноста на прислушуваните материјали во зградата на Специјалното јавно обвинителство. Дескоска открива дека тие материјали, се на безбедно и во сеф кај државниот јавен обвинител како што стоеле и досега .

–Јавното обвинителство кај нас е поставено хиерархиски. Согласно постојниот Закон за Јавното обвинителство, а тоа не беше сменето ниту во предлозите кои ги пуштивме во Собрание, републичкиот јавен обвинител има право да делегира предмети на конкретни јавни обвинители. Тоа не е нешто што тој прват го прави, тоа се случувало и во минатото додека бил републички обвинител Зврлевски и во други случаи. Тие ги водат предметите по доделување на републичкиот обвинител, изјави Дескоска во емисијата „360 степени“ на Телевизија Алсат.

Дескоска изјави дека за неа нема ништо чудно и воопшто не е спорно од правен аспект тоа што обвинителите се сместени во истата зграда на СЈО.

–Колку што знам тоа е зграда која што е доделена на СЈО, во орган во рамките на ЈО. Тоа е зграда во којашто се сместени обвинителите, во која што се наоѓаат предметите формално, материјалите, така што од тој аспект не станува збор за правно прашање, дека е нешто спорно од правен аспект, туку од практичен аспект веројатно одлучил обвинителот на тој начин да продолжат работите и тоа е апсолутно ирелевантно, заклучи Дескоска.

Дескоска во емисијата истакна дека во СЈО немало вработување на по роднински и блиски врски во СЈО, и дека таа информација веќе била демантирана во јавноста и е апсолутно невистинита.