Веднаш да се расчисти случајот со Националната агенција за европски образовни програми и мобилност, повика вечерва вицепремиерот за европски прашања Никола Димитров.

Реагирајќи на случајот со со скопско фризерско студио кое добило грантови од над 270 000 евра преку програмата „Еразмус+“, Димитров оцени на фејсбук дека впечатокот е загрижувачки, пишува 360!

Ги читам вечерва новите информации во серијалот новинарски истражувања околу состојбите во Националната агенција за европски образовни програми и мобилност. Впечатокот е загрижувачки.

Итно е потребно целосно расчистување на овој случај.
Мора да се истражат сите наоди и да се открие целата слика, оти за државата само едно нешто е поголем срам од шпекулации за наводна злоупотреба на пари на европските даночни обврзници – а тоа е кога во тие сомнежи би имало вистина.