По објавата на социјалните мрежи, лично од поранешниот премиер и актуелен пратеник, Никола Груевски, дека пребегал во Унгарија, и дека во Будимпешта бара политички азил, дипломатски притисок во Скопје.

Имено од официјална Будимпешта ни портпаролот на унгарската Влада Золтан Ковач не може ниту да ја потврди, ниту, пак, да ја демантира објавата на Facebook профилот на поранешниот македонски премиер Никола Груевски дека се наоѓа во Унгарија каде побарал политички азил.

Ние не можеме да коментираме индивидуални барања за азил кои се уште се во процес на обработка. – изјавил Ковач.

Од друга страна од дипломатски извори од македонското МНР, дознаваме дека денес во 15 часот бил повикан на разговор амбасадорот на Унгарија во Република Македонија, Ласло Дукс Иствар.

Иако се пренесува дека на средбата се појавил лично амбасадорот, од МНР дипломатски извори информираат дека присутен бил неговиот заменик. 

Тема на средбата секако било барањето политички азил на поранешниот македонски премиер, актуелен пратеник, Никола Груевски, за која од страна на заменикот било посочено дека не е област за која е овластен да дискутира. 

Министерот за надворешни работи, Никола Димитров на средбата бил видно вознемирен.

Очигледно информациите како и со чија помош пребегнал Груевски не стигаат до него. 

При средбата државниот секретар при МНР, Виктор Димовски дури и имал обид за закани со мерки против Унгарија, во случај државата да му го одобри барањето за политички азил на Груевски.

Заменик амбасадорот на Унгарија ги ислушал и министерот Димитров и државниот секретар Димовски, по како што не информираат дипломатски извори, имал само едно прашање, дали МНР е сигурно дека други државни институции и носители на функции во Македонија немале информации за движењето на посоченото и барано лице?

На ова изостанал возвратен коментар и од Димитров и од Димовски, по што заменик амбасадорот се заблагодарил за средбата.

Доцна попладнево и шефот на унгарската дипломатија Петер Сијарто за унгарските медиумите ниту ја потврди, ниту ја демантира информацијата за евентуалниот барател за политички азил под името Никола Груевски. Сијарто посочил на законот за азил кој вели:

Лицето кое бара азил мора да аплицира до Управата за имиграција и азил, веднаш штом се најде на територијата на земјата. Овој орган има законски рок од 60 дена да го прифати или одбие барањето, до кога треба да ги слушне причините зошто апликантот бара политички азил. Унгарскиот закон предвидува и забрзана постапка, во која може да се одлучи за 15 дена.