Вицепремиерот задолжен за европски прашања Никола Димитров, на својот официјален Инстаграм профил објави фотографија од фризерски салон.

Вицепремиерот за европски прашања пред два месеци исто така имаше објавено слична фотографија, кога се „поднови“ со нова фризура во Драчево.

Сепак, Димитров изгледа сега е малку позадоволен од претходниот пат, бидејќи тогаш, според негови зборови, фризерот го подмладил за три години.

„Маалскиот бербер во населба Драчево ми симна три години, за три минути“, напиша тогаш Димитров.

Димитров својата професионална кариера ја започнал во 1996 во министерството за надворешни работи како советник од областа меѓународно право за правата на човекот. Бил назначен за заменик министер во 2000, а бил и советник за национална безбедност на претседателот Борис Трајковски.

Во 2002 бил именуван за македонски амбасадор во САДдоаѓајќи на местото на Љубица Ацевска. Со 32 години бил најмладиот амбасадор во САД, а за време на неговиот престој во 2004 САД ја признале Македонија под уставното име. Никола Димитров е син на Димитар Димитров и Ратка Димитрова, истакнати функционери и основачи на партијата ВМРО-ДПМНЕ. Никола дипломирал меѓународно право на универзитетите во Скопје и Кембриџ. Тој има три деца.