Директорот на БЈБ во прегратка со активистката што посакуваше на полицајците "Куманово пак да ви се деси"

Фотографија од новиот директор на Бирото за јавна безбедност во МВР Сашо Тасевски и активистката на СДСМ Ивана Божиновска кружи по социјални мрежи со огромна осуда

Фото/Текст извор: ©магазин.мк

Фотографијата е објавена на “Фејсбук” профилот на Ивана Божиновска девојката која на македонската јавност и стана позната во 2016-та година кога на тогашните протести предводени од СДСМ и т.н. “Шарена Револуција” јавно им порача на македонските полицајци:

Божиновска наиде на негативна критика и осуда од македонската јавност кога на протестите на СДСМ во 2016-та на македонската полиција им посака пак да им се случи Куманово.

“Да даде Господ Куманово пак да ви се деси”.

Инаку во вооружениот конфликт во Куманово и кумановско “Диво Насеље” во мај 2015-та година животот го загубија осум припадници на македонските безбедносни сили а 37 беа ранети.

Непосредно по крвавата пресметка тогашниот претседател на опозиционата СДСМ Зоран Заев беше во посета на “Диво Насеље” каде се фотографираше со локалното население.

Во конфликтот беа убиени 10 терористи а 30 беа заробени и потоа беа изведени на суд и осудени на доживотна затворска казна но подоцна власта предводена од Зоран Заев и СДСМ со ДУИ ги поништи пресудите и го врати судењето на почеток.

Што би рекол Андреј Жерновски “чудна правда”!?

»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.