Ѓоко Котевски, директорот на истражниот затвор Шутка се уште не поднесе оставка иако минатата недела најави дека ќе го напушти директорското место. Тој вети дека заедно со оставката во исто време ќе го објави извештајот и за инцидентот во кој беа нападнати поранешните министри Јанакиески и Ристовски.

Според истрагата имало пропусти во обезбедувањето на затворот па од морални причини Ѓоко најави оставка од функцијата. 

Директорот најави оставка по инцидентот кој се случи минатата недела во затворот Шутка каде физички беа нападнати  поранешните министри Миле Јанакиески и Спиро Ристовски. 

По нападот Јанакиевски беше третиран во градската болница по што добил соодветна терапија. Инаку напаѓачите се притворениците  Лирим Красниќи и Есат Кафеџоли обвинети за случајот „Диво Насеље“. 

Инцидентите се случиле во два различни павиљони за време на прошетка во двор а ги обезбедувал само еден чувар.