Москва во средата ги започна подготовките за рекордни врнежи од снег во текот на претстојниот викенд, а експертите предупредуваат и на доаѓање на силен ветер.

„Тоа ќе биде вистинска снежна бура, Армагедон, снежна апокалипса“, рече метеорологот на приватната станица Фобос, Евгениј Тишовец, пренесува руската новинска агенција Риа Новости.

Тој додаде дека обилниот снег ќе започне да паѓа рано во петок и ќе продолжи во следните 36 часа. Тој предвидува дека ветровите може да дуваат со брзина од 15 до 20 метри во секунда, а температурата ќе се спушти до -15 степени Целзиусови.

Портпаролот на руската метеоролошка служба Росгидромет, Марина Макарова изјави дека тоа ќе биде продолжение на студениот бран што ја зафати Западна Европа.

За време на викендот очекува во Москва да наврнат 40 сантиметри снег. Москва веќе е покриена со близу 35 см снег, а Макаров наведува дека со новите слоеви, нејзината дебелина може да биде поголема од рекордните 77 см од март 2013 година.

Заменик-градоначалникот на Москва, Пјотр Бириуков, објави дека 13.500 плугови и 60.000 градски работници ќе бидат распоредени пред невремето. Минатата зима во Москва беше исклучително блага со многу малку снег.