Додека Македонија чека датум за преговори за влез во ЕУ, претседателот на Европската комисија, Жан-Клод Јункер истакна дека Велика Британија ќе ја напушти Европската унија до 31 јануари следната година.

За телевизијата Би-Би-Си, Јункер изјави дека верува оти Брегзит ќе се случи на крајот на последното продолжување на излегувањето на Велика Британија од Унијата, додавајќи дека Брегзит е предолга приказна што треба да заврши.

Борис Џонсон , британскиот пак претходно изјави дека ќе постигне трговски договор со ЕУ до крајот на декември 2020 година.

Додека некои британски пратеници мислат дека лесно ќе се постигне договор, Јункер потсети на фактот дека слични преговори со Канада „траеја со години“.

Инаку Обединетото Кралство уште пред три години изгласа да ја напушти Европската унија на историскиот референдум.

На тој референдум за напуштање на ЕУ гласаа 52 отсто од излезените гласачи, додека 48 отсто гласаа за останување во Унијата.

Англија и Велс цврсто го поддржаа излегувањето од Унијата, додека Лондон, Шкотска и Северна Ирска беа строго за останување.

Приврзаниците на Брегзит резултатите ги поздравија како „ден на независност“, додека поддржувачите на ЕУ за резултатите рекоа дека се „катастрофа“.

Фунтата падна рекордно ниско во однос на доларот од 1985 година до сега.