Српскиот член на Претседателството на Босна и Херцеговина, Милорад Додик, изјави дека посакува Република Српска да стане самостојна.

-Бошњаците можат да сонуваат што сакаат и тоа не е забрането. Меѓутоа, посакувам Република Српска да биде самостојна, што е многу реално.

Верувам во реалноста која се вика Република Српска, а не верувам во имагинацијата наречена БиХ.

Соработката со НАТО е прифатлива, но не и членството во тој сојуз, изјави вчера српскиот член и претседател на Претседателството на БиХ, Милорад Додик.

“Нема интеграција во НАТО, тоа е јасна работа! Ние истрајуваме со месеци на ваква приказна, така што оние кои се за членство конечно ќе разберат дека никој нема да дојде од страна и ќе не принуди да го прифатиме тоа”, рече тој.

Додик посочи, дека сите земји имаат некаква соработка со НАТО.

“Србија, исто така, има некаква форма на соработка. Русија тоа го имаше и порано. Во моментов, таа е замрзната, но може да се очекува дека во иднина ќе има некаква форма на соработка”, рече тој.