Руската влада нареди цивилна авијација да ги прекине сите закажани и чартер летови до и од Русија од 27 март.

На руските авиокомпании сепак ќе им биде дозволено да летаат во други земји за да ги вратат руските државјани дома или ако имаат специјален владин орган.

Објавувањето на забраната дојде откако Русија го забележа највисокиот дневен скок во бројот на заразени лица во средата кога беа потврдени 163 нови случаи.

Новите мерки не важат за домашните летови во Русија. Владата соопшти дека Русите кои не биле во можност да се вратат заради ограничувањата наметнати од нивните земји-домаќини, треба да преземат чекори за да останат безбедни.

Русија ги затвори своите граници за странците минатата недела. Претходно во март, Русија ги ограничи летовите кон и од Европската унија.
Градоначалникот на Москва, Сергеј Собијан изјави дека наскоро ќе објави нови поостри мерки за руската престолнина, велејќи дека сака да затвори паркови, кафулиња, ресторани и трговски центри следната недела.

Загриженоста се зголемува дека бројот на заболени постојано се зголемува, особено во Москва. Денис Проценко, главен медицински офицер на нова московска болница која лекува пациенти со коронавирус, му рече на Владимир Путин дека Русија мора да биде подготвена за „италијанското“ сценарио.

„Ако има голем скок кај заразените, а Москва е на чело во таа насока, нашата болница е подготвена за трансформација“, рече Проценко.