Имаме рецепт за една многу вкусна и хранлива домашна крем супа од тиквичка, која ќе ве освежи во било која сезона од годината.

Феноменална, како предјадење или како главно јадење со неколку парчиња потпечено лепче.

Состав: 

800 г тиквички
1 средни по големина кромид
2 чешниња лук
2 лажици маслиново масло
800 мл супа со зеленчук
150 мл павлака за готвење
1 лажичка сол
1 лажичка црн пипер

Подготовка:

Тиквичките добро измијте ги и исечкајте ги на помали парченца. Излупете го кромидот и поделете го на четвртинки. Излупете го лукчето и пресечете го на половинки. Во поголем сад со малку маслиново масло на тивок оган ставете ги тиквичките, кромидот и лукот малку да се запржат.

Потоа исипете ја супата со зеленчук и варете околу 15 минути. Кога тиквичките ќе омекат со рачен блендер изблендирајте за да добиете кремаста смеса.

Додате од павлаката за готвење и зачинете со сол и црн пипер. Послужете ја супата топла со декорација со павлака.