Имотот на фудбалската звезда Златан Ибрахимовиќ во центарот на Стокхолм, беше вандализиран во текот на минатата ноќ.

Пред домот од Ибрахимовиќ во Стокхолм, полицијата заплени плакета на која пишува ПРЕДАВНИК и RIP.

„Започната е претходна истрага за инцидентот“, вели Бенгт Дахнел, дежурен водач за истраги.

Според пишувањата на шведскиот весник Афтонбладет, полицијата ќе преземеме соодветна акција за случајот.

Полицијата засега нема осомничени, но испитува дали има сведоци за инцидентот, како и дали камерите за надзор во областа можеби ги забележале вандалите.

Шведскиот фудбалски интернационалец, Златан Ибрахимовиќ (38) во родниот Малме неодамна доби статуа висока 3 метри и тешка околу 500 килограми.

Статуата беше поставена минатиот месец на плоштадот меѓу новиот и стариот фудбалски стадион во градот. Веднаш по поставувањето во Шведскиот град Малме, статуата беше демолирана од засега непознати напаѓачи.

Ибра кој моментно ги брани боите на ЛА Галакси во МЛС лигата во САД не го криеше воодушевувањето поради идејата на градот да му оддаде признание.

„Среќен сум со одлуката статуата да се постави во Малме, на тоа се надевав од првиот момент. Малме е местото каде се започна и каде го оставив моето срце“ – рече Ибрахимовиќ.

Статуата jа изработи Петер Линд, а претходно во градот Хелсингборг својата статуа доби екс-шведскиот фудбалер, Хенрик Ларсон.