Заклучно со денеска до 12 часот преку веб апликацијата  до Државната изборна комисија [ ДИК ] доставени се вкупно 1.459 пријави од граѓани за гласање во дипломатско конзуларните претставништва на земјава во странство.

Од нив 1.431 пријави се прифатени 27 се одбиени а една пријава е во обработка соопшти ДИК.

Најголем број пријави се доставени за гласање во Берн – 160 во Љубљана – 105 во Лондон – 93 и во Торонто – 88.​

Најмал број пријави поднесени се за гласање во Атина – Киев – Њу Делхи – Подгорица – Приштина и Тирана со по една пријава.

Државната изборна комисија соопшти дека податоците од јавниот увид во избирачкиот список ќе бидат доставени подоцна во текот на денов по нивната обработка.