Училиштата се најголем ризик за пренесување на вирусот корона, вели епидемиологот и член на Кризниот штаб на Србија, Предраг Кон и додава дека суперпреносители на вирусот се средношколци и студенти.

Тој објасни дека всушност, младите на возраст до 25 или 30 години најбрзо го пренесуваат вирусот поради високата фреквенција на контакти.

„Има повеќе од 850.000 ученици во основните и средните училишта, но во нашите училишта е создаден систем на функционирање“, изјави Кон за ТВ Пинк, нагласувајќи дека носењето маски придонело да има половина од респираторните инфекции во четвртата недела од септември отколку во истиот период минатата година.

Тој напоменува дека во училиштата се применуваат превентивни мерки, дека во првите три недели вирусот е регистриран во 21 основно училиште и седум средни училишта, но дека сите биле индивидуални случаи, пренесувањето е забележано само во едно училиште.

Запрашан за олеснување на мерките во врска со организирање настани, саеми, тој рече дека моменталната состојба во Србија е релативно добра, дека септември е успешно надминат, но дека пренесувањето на вирусот се уште трае.

“Очекуваме дека пренесувањето на вирусот ќе започне да се зголемува во октомври, и затоа не треба да се оди со настани кои се ризик од пренесување. Некои манифестации нема да можат да се одобрат епидемиолошки. Мора да спречиме ненадеен пораст и зголемување на бројот на пациенти”, рече епидемиологот. .

Говорејќи за вакцината против вирусот корона, Кон изјави дека Србија се приближува до вакцина која ќе биде достапна во помали количини.

На Агенцијата за лекови е да процени кога е ситуацијата и која вакцина може да се користи во Србија, бидејќи безбедноста е многу важна.