Драма ги потресе посетителите на туристичкото место Пефкохори во Грција откако вчера петгодишно дете од Србија влегло во морето и почнало да се дави.

Туристите кои биле на плажата за среќа го извлекле девојчето од морето и веднаш повикале Итна помош. Откако било извлечено од водата, успешно било реанимирано и со итна помош прво однесено во локалната болница, па во Солун, пишува на Фејсбук групата „Live from Greece“.

Во моментот детето се ноаѓа на одделението за интезивна нега и приклучено е на апарати за дишење.

Инаку, детето од море го извадил човекот кој на плажата е ангажиран како аниматор за спортови на вода, а е реанимирано од страна на лекар кој како турист се нашол на плажата.

Се упатува и апел да се внимава на плажите, бидејќи, како што се вели, луѓе се дават секојдневно.