Крајбрежната стража на Хаваите бара хеликоптер од седум лица што не се врати вчера од турнејата низ брегот на Напали.

Компанијата во сопственост на хеликоптерот, ги извести властите за исчезнувањето откако хеликоптерот не се врати од турнејата вчера, објави Си-Ен-Ен.
Во хеликоптерот се наоѓале пилот и шест патници, од кои двајца се малолетни.

Иако на хеликоптерот има електронски уред за набудување, не се откриени сигнали.
Од крајбрежната стража соопштија и дека потрагата е запрена од времето, односно слабата видливост и силниот ветер.

Хавајските Острови се архипелаг од 8 поголеми острови, неколку атоли, и голем број на мали островчиња и подводни планини кои се наоѓаат во северниот дел на Тихиот океан. 

Името им било дадено од страна на Џејмс Кук, во чест на Џон Монтагу, четвртиот ерл од Сендвич. Сегашното име на архипелагот Хаваи е име и на најголемиот остров на архипелагот.
Хавајската монархија била соборена во 1893 година од богатите европски и американски доселеници на островите. Била воспоставена република, и покрај спротставувањето на поголемиот дел од хавајскиот народ.

Хавајските острови се издигнати врвови на големиот подводен планински венец, кој бил формиран од вулканската активност на врелите точки на обвивката на Земјиното јадро. Островите се оддалечени 3000 км од најблиското копно.