Во неколку градови во БиХ, односно во Република Српска и Федерацијата на БиХ, граѓаните кои имаат двојно државјанство гласаат на парламентарните избори во Србија.

За прв пат беа отворени избирачките места во Бјелина и Мостар за изборите во Србија.

Претседателот на Националното собрание на Република Српска, Недељко Кубриловиќ, гласаше на Генералниот конзулат на Србија во Бања Лука, пренесе РТРС.

Избирачките места во БиХ се отворија во српската амбасада во Сараево, Генералниот конзулат на Србија во Мостар и конзуларните канцеларии во Дрвар и Требиње.

Гласачки места има и во Центарот за култура „Семерија“ во Бијелина, Средношколскиот центар „Иво Андриќ“ во Вишеград, Градската управа Добој, Средношколскиот центар во Братунац, Основното училиште „Свети Сава“ во Зворник и Основното училиште „Десанка Максимовиќ“ во Приједор.