Во вчерашниот дебатен магазин „Click Plus“ на ТВ21 гостуваат министрите од ДУИ и Беса, Крешник Бектеши и Арјанит Хоџа.
Во студиото се одвиваше жестока дебата, во главно посветена на Тетово.
Претходно, министерот Хоџа изјави дека е спремен да се откаже од МЗШВ за да го добијат Тетово.
Дали ова е порака дека се ослободува министерско место за ДУИ или пак, за влез на Алтернатива во Владата на Заев, Хоџа не сакаше да коментира.
Инаку, министрите Хоџа и Бектеши едногласно посочија дека природно е да го поддржат кандидатот за градоначалник од СДСМ, Петре Шилегов за Скопје, затоа што се коалициони партнери, но и дека тој заслужува втор мандат затоа што многу работеше за градот.
Министерот за земјоделство, шумарство и водостопанство, воедно и генсек на Беса, Арјанит Хоџа во дебатниот магазин „Click Plus“ на ТВ21 истакна дека е спремен да се откаже од министерството само за да го добијат Тетово.
Хоџа не објасни што точно сака да порача со оваа изјава, но остави простор за евентуален „пазар“ со ДУИ за Тетово.
Дали ДУИ ќе прифати да добие дополнителство министерско место во замена за Тетово, и дали тоа место се спрема за Алтернатива, со цел да се зголеми актуелното владино мнозинство, засега не се знае.
»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.
You must be logged in to post a comment.