Во Македонија денеска беше историски ден за македонското здравство. Имено за прв пат беше извршена трансплатација на срце, благодарение на тројцата врвни кардиохирурзи, професор Сашко Јовев од Државната Клиника за Кардиохирургија, Академик Жан Митрев од клиниката Жан Митрев и професор Александар Николиќ од клиниката Аџибадем Систина.
Имено по оваа прекрасна вест за успешна трансплантација на срце доктор Жан Митрев истакна дека Македонија ги поседува сите капацитети за трансплатација, а упати и благодарност до министерот за здравство Венко Филипче, кој успеа да ги сплоти најдобрите кардиохирурзи во земјата.
„Се покажа дека ги имаме сите капацитети и сите можности и морам јавно да се заблагодарам на Министерот Филипче кој не организира, кој не сплоти и колку и да сме различни, сепак на крајот сме исти, имаме една цел, а тоа е да ги лекуваме пациентите. Без разлика дали сме приватни, државни, ние сме со таа дејност, со таа функција и сето ова е голема и успешна приказна. Му благодарам на Министерот, на целиот тим и на сите, оргомен број луѓе кои земаа учество во сето ова, за да ова биде вака како што е“, потенцираше д-р Жан Митрев.
»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.
You must be logged in to post a comment.